"Dəvətnaməsi paylanan nişanlını Bakıda qoyub, türkə ərə getdin" - Röya Ayxan qalmaqalı böyüdü

"Əxlaq, insanlıq dərsi? Bunları Məlahət (Əməkdar artist Məlahət Abbasova – red) deyir? Mən 2009-cu ildə İstanbula köçdüm, sən Məlahət evimə gələ-gələ ailəmi dağıtdın. Sənsən insanlıq dərsi keçən? "TRT Avaz"da mənə iş təklifi gəlmişdi. Gedib orada müdirə əxlaqsız sözlər dedin”.

Azsiyasət.com xəbər verir ki, bu sözləri aparıcı Sərxan Kərəmoğlu sosial şəbəkədə yazıb. O, Türkiyədə fəaliyyət göstərən Əməkdar artist Məlahət Abbasovanın Yeni il günü rəqs etdiyi videonu paylaşan Xalq artisti Röyanı tənqid etməsinə münasibət bildirib.

“Sənsən əxlaq dərsi keçən? Toy mərasiminə bir gün qalmış dəvətnaməsi paylanan bəyi, nişanlını Bakıda qoyub, İstanbula qastrola gedib, orada qaldın və türkə ərə getdin. Ailən isə pərişan oldu. Mənə gələn serial təklifini özünə çevirdin və çörəyimə ikinci dəfə bais oldun. Bu nə zəmanədir? Kimdə nə yoxdursa, onunla öyünür. Məlahət Abbasova, ümumiyyətlə, sənin Azərbaycan mədəniyyəti və incəsənəti haqqında danışmağa haqqın yoxdur. Röya Ayxan səhv edib, özü bilər, xalq bilər. Buna qarışa bilmərəm".

Qeyd edək ki, Məlahət Abbasova Röya Ayxanın ünvanına bu sözləri deyib: 

"Elə bil ki, dekabrın 31-də şəhid analarına acıq verirdi. Hamı əlbəttə ki, evindədir. Gülür, danışır, öz aralarında Yeni ili təbrik edirlər. Amma evində rəqs edib paylaşmır. Bu, eyibdir. Belə həssas bir vaxtda bu hərəkətin səni iti gözdən salan kimi saldı. Həm də deyirsən ki, ağdamlıyam. Mahnıların yaxşı ola bilər, amma nə əxlaqın var, nə də insanlığın. Bir də anasan..."

Röya isə Məlahət Abbasovanın sözlərinə reaksiya verməyib.