"Baku TV" oteldə dincələn aparıcısını işdən çıxardı

"Baku TV" karantin qaydalarını pozan aparıcısı Mələk Heydərovanı işdən çıxardı.

Baku TV rəhbərliyi karantin qaydalarına əməl etməyən, qeyri-peşəkarlıq sərgiləyərək, ictimai fikirdə mənfi imic formalaşdıran aparıcı ilə yollarını ayırmaq qərarına gəlib və Mələk Heydərova ilə əmək müqaviləsinə xitam verib.
Xatırladaq ki. adıçəkilən aparıcı karantin rejiminin tələblərini kobud sürətdə pozub.
Məzuniyyətdə olan Mələk Heydərova “Fairmont Bakı” hotelində istirahət edərkən çəkdiyi fotoları paylaşıb. Bu fotolar cəmiyyətdə kəskin reaksiyaya səbəb olub.

Bu gecə Mələk Heydərova videomüraciət yayaraq davranışına görə, hər kəsdən üzr istəmişdi.