“Avroviziya”dakı qalmaqalın səbəbi açıqlandı
20 may, 2022 12:05
![](/images/article/9903/thumb600x0.jpg)
“Avroviziya”da 6 ölkədən olan münsiflərin səsvermə hüququndan məhrumedilmə səbəbi açıqlanıb.
Bu barədə “eurovisionworld.com” məlumat yayıb.
Bildirilib ki, Avropa Yayım Birliyi 2-ci yarımfinalda iştirak edən altı ölkənin münsiflər heyətinin səslərində qeyri-qanuni səsvermə halları aşkarlayıb.
Belə ki, 2-ci yarımfinalda Azərbaycan, Gürcüstan, Monteneqro, Polşa, Rumıniya və San Marinodan olan altı münsif bir-birini aydın şəkildə üst sıralarda yerləşdiriblər. Qurumun yaydığı məlumtatda bildirilir ki, başqa sözlə həmin ölkələr bir-birlərinə səs vermək barədə razılaşıblar.
Bu səbəblə həmin ölkələrdən olan münsiflər səsvermə hüququndan məhrum ediliblər.