Rusların Donbasda irəliləməsi Baydenin qərarını dəyişməyə sövq etdi - "The Wall Street Journal"

"Ukraynaya veriləcək yaylım atəşli reaktiv sistemlərdə taktiki raketlər olmayacaq"

Bayden administrasiyası Ukraynaya 64 km- dən uzaq məsafədə hədəfləri məhv edən yüksək dəqiqli raket sistemlərini göndərmək barədə qərar qəbul edib. Bu barədə mayın 31- də "The Wall Street Journal" nəşri məlumat yayıb.

Nəşr ABŞ- ın planları haqqında yeni təfsilatları məlumat verən adları açıqlanmayan Amerika məmurlarına istinad edib.

Böyük ehtimalla söhbət Donbasda vəziyyəti dəyişmək qabiliyyətinə malik olan yaylım atəşli reaktiv sistemlərdən (YARS)  gedir. Onların yaylım atəşinin məsafəsi Amerika tərəfindən verilən M777 haubitsalarına nisbətən iki dəfə çoxdur.

Dünən, mayın 30- da, ABŞ prezidenti Co Bayden bəyan edib ki, ABŞ "Rusiya ərazisinə çata biləcək raket sistemlərini Ukraynaya göndərməyəcək". Bu bəyanat bir çoxlarında suallar doğurub.

Baydenin bəyanatları və Amerika nəşrinin bugünkü məlumatı onu deməyə əsas verir ki, ABŞ Ukraynaya YARS sistemlərini uzaqvuran taktiki raketlərsiz, yalnız  yaylım atəşlər üçün reaktiv döyüş sursatları ilə birgə verəcək.

Hətta belə "məhdud" vəziyyətdə bir neçə belə qurğular Rusiya qoşunlarının hələ ki, hücumda olduğu Donbasdakı vəziyyəti dəyişə bilər.

Yaylım atəşli reaktiv sistemlər Ukraynanın xahiş etdiyi əsas silahdır. Donbasda Rusiya hücum zamanı əvvəlcə artılleriya ilə yaşayış məntəqələrini və Ukrayna hərbçilərinin mövqelərini məhv edir, daha sonra əraziləri zəbt edir.

BBC- nin müxbiri Kventin Sommervil drondan çəkilən görüntüləri dərc edib.  Kadrlardan Rusiya artilleriyası tərəfindən tamamilə məhv edilən Luqansk vilayətinin Severodonetsklə həmsərhəd olan Rubejnoye şəhərinin xarabalıqları görünür.

Sommervil yazıb ki, Rusiya "məhvetmə müharibəsi aparır". Müharibənin bu üsulla aparılması dinc əhali arasında böyük qurbanlara və böyük dağıntllara səbəb olur. 

Neçə ki, rusiyslılarda artilleriya və YARS sistemlərində ("Qrad", "Smerç", "Uraqan") üstünlük mövcuddur, bu, belə də davam edəcək.

Vəziyyəti Amerikanın YARS sistemləri- MLTS (Multiple Launch Rocket System) və HIMARS (High Mobility Artillery Rocket System) dəyişə bilər. Bu sistemlər öz məsafəsinə görə Rusiyanın müvafiq sistemlərinə nisbətən üstündür. Bunlar yaylım atəş üçün həm idarəedilməyən reaktiv mərmilərin, həm də taktiki raketlərin buraxılmasında istifadə edilir.