Türkiyə və Pakistan arasında 7 saziş imzalandı - Bu, Azərbaycana nə vəd edir?
"Bu il Pakistanla diplomatik münasibətlərimizin 75 illiyi tamam olur. Türkiyə-Pakistan əlaqələrini daha da gücləndirməyi planlaşdırırıq".
Bunu Türkiyə Prezidenti Rəcəb Tayyib Ərdoğan Pakistanın Baş naziri Şahbaz Şərif ilə birgə keçirdiyi mətbuat konfransında deyib.
Ərdoğan bildirib ki, görüş zamanı ikitərəfli münasibətləri, regional və qlobal məsələləri müzakirə ediblər.
"Biz Pakistanla müdafiə sənayesi sahəsində son zamanlar inkişaf edən əməkdaşlıqdan məmnunuq. Pakistanla ticarət hədəfimiz illik altı milyard dollardır", - deyə Türkiyə lideri söyləyib.
O, Türkiyə ilə Pakistan arasında yeddi əməkdaşlıq müqaviləsinin imzalandığını vurğulayıb.
"Biz Əfqanıstandakı humanitar böhranı aradan qaldırmaq üçün birlikdə hərəkət edirik. Bu günə kimi 4 min tondan çox humanitar yardım daşıyan dörd “Xeyirxahlıq qatarı”nı bu ölkəyə göndərmişik”, - deyə Ərdoğan çıxışında qeyd edib.
