KTMT təhlükəsizliyin bölünməzliyi barədə sənəd qəbul edib
Kollektiv Təhlükəsizlik Müqaviləsi Təşkilatının Xarici işlər nazirləri Şurasının iştirakçıları təhlükəsizliyin bölünməzliyi prinsipinə sadiqlik haqqında sənəd qəbul edib.
Bunu Rusiyanın xarici işlər naziri Sergey Lavrov KTMT Nazirlər Şurasının iclasının yekunlarına dair mətbuat konfransında deyib.
“Biz KTMT çərçivəsində ilk dəfə olaraq təhlükəsizliyin bölünməzliyi prinsipini, bərabər və bölünməz təhlükəsizliyin təmin edilməsi zərurətini təsbit edən sənəd qəbul etdik. Bu akta görə, hər hansı ölkə başqa bir dövlətin təhlükəsizliyinə xələl gətirilməsi hesabına öz milli təhlükəsizliyini təmin edə bilməz”,-deyə o qeyd edib.
Sergey Lavrov təşkilatın kəmiyyət və keyfiyyət baxımından effektivliyinə toxunub.
“KTMT-nin kəmiyyət tərkibinə gəlincə, istər bu və ya digər hərbi-siyasi ittifaqa daxil olan dövlətlərin həm özlərinə görə, istərsə də müdafiə imkanları baxımından burada həm keyfiyyət, həm də kəmiyyət var”,-deyə o qeyd edib.
