Rusiya Belarus ərazisindən Ukraynaya raket zərbələri endirib
Rusiya Belarusu müharibəyə cəlb etməyə çalışır, şənbə günü Ukrayna Baş Qərargahı bildirib.
Belə ki, bu gün Ukrayna ərazisinə atılan 40-dan çox raket, o cümlədən Belarus ərazisindən atılıb. Bunun üçün altı Tu-22M3 strateji bombardmançı cəlb edilib. Onlar Belarusun hava məkanında olarkən Ukraynaya 12 X-22 qanadlı raket atıblar. Bu, Buraxılış Ukrayna ilə sərhəddən 50-60 kilometr aralıda Mozır şəhəri yaxınlığından atılıb.
Bombardmançılar Rusiyanın Kaluqa vilayətindəki “Şaykovka” hava limanından qalxıblar. Sonra Kaluqa və Smolensk vilayətləri ərazisindən Belarusun hava məkanına daxil olublar.
Zərbələr Kiyev, Çerniqov, Sumı vilayətlərinə endirilib.
"Bu, Ukraynaya birbaşa Belarus ərazisindən aviazərbənin endirilməsilə bağlı ilk hadisədir.
Bugünkü atəş Kreml hakimiyyətinin Belarusu Ukraynadakı müharibəyə birbaşa iştirakçı kimi cəlb etmək cəhdlərilə bağlıdır", - Ukrayna Baş Hərbi Kəşfiyyat İdarəsindən bildiriblər.
Həmçinin Jitomir, Lvov, Çerniqov vilayətlərinə raket zərbələri endirilib. Bəzi raketləri havada vurmaq mümkün olub.
Rusiyalıların Belarusun Mozır şəhərində təxribat hazırlamaq və buna görə ukraynalıları günahlandırmaq planları barədə də bildirilir. Rusiya təxribat qrupları evləri, məktəbləri və xəstəxanaları partlatmağı planlaşdırırlar. Bu, Ukrayna tərəfindən raket zərbələri kimi təqdim ediləcək, həmin mənbə bildirib.
