İsrail səfiri qondarma erməni soyqırımı abidəsini ziyarət etdi

Ermənistanın baş naziri Nikol Paşinyan İsrailin İrəvana yeni təyin olunmuş səfiri Yoel Lionu qəbul edib.

Bu barədə Ermənistan hökumət başçısının mətbuat xidməti məlumat yayıb.

Baş nazir İsrailin yeni təyin olunmuş səfirinə Ermənistan-İsrail münasibətlərinin inkişafı naminə səmərəli fəaliyyət arzulayıb.

Səfir Lion ikitərəfli əlaqələrin dərinləşməsi üçün bütün səylərini əsirgəməyəcəyinə əmin edib

Həmsöhbətlər Ermənistan-İsrail əməkdaşlığı sahəsində böyük potensialın olduğunu vurğulayaraq, konkret nəticələrin əldə olunmasına yönəlmiş proqramların vacibliyini vurğulayıblar. İkitərəfli gündəliyin inkişafı ilə bağlı tədbirlər ətrafında fikir mübadiləsi aparılıb.

Qeyd edək ki, səfir Yoel Lion İsrailin Ermənistandakı fəxri konsulu Aşot Şahmuradyanın müşayiəti ilə iyunun 30-da İrəvanda qondarma erməni soyqırımı abidəsini ziyarət edib.

Səfir əbədi məşəl önünə gül dəstələri düzərək, “erməni soyqırımı muzeyi”nə də baş çəkib, fəxri qonaqlar kitabına yazı yazıb.