Rusiya "Şimal axını" ilə Avropa İttifaqına qaz nəqlini dayandıracaq
02 iyul, 2022 01:19
İyul ayında Rusiya “Şimal axını” qaz kəməri ilə Avropa İttifaqına (Aİ) qaz nəqlini 10 gün müddətinə dayandıracaq.
Bu haqda “Nord Stream AG” şirkəti məlumat yayıb.
Bildirilir ki, 2022-ci il iyulun 11-dən 21-dək qaz kəməri cari təmir işləri ilə əlaqədar dayandırılacaq. Həmçinin mexaniki komponentlərin və avtomatlaşdırma sistemlərinin sınaqdan keçiriləcəyi qeyd edilib.
“Cədvəl və iş planı qazın yuxarı və aşağı axını üzrə nəqli üçün “Nord Stream AG”nin tərəfdaşları ilə əvvəlcədən razılaşdırılıb”, - məlumatda deyilir.
