İran Rusiya-Ukrayna müharibəsinə qoşulur? - ABŞ-dan reaksiya

Rusiya Ukraynadakı müharibədə istifadə etmək üçün İrandan yüzlərlə pilotsuz uçuş aparatı istəyib”.

Azsiyaset.com xəbər verir ki, bu barədə məlumatı “Associated Press” agentliyi yayıb. 

Agentlik yazır ki, ABŞ Prezidentinin milli təhlükəsizlik üzrə köməkçisi Ceyk Sallivanın sözlərinə görə, İranın Rusiyaya artıq hansısa PUA göndərməsi hələ ki məlum deyil.

Bununla belə, Sallivan qeyd edib ki, ABŞ İranın bu ay Rusiya qüvvələrinə onlardan istifadə üzrə təlim keçməyə hazırlaşdığına dair məlumatlara sahibdir.

“Bizdə olan məlumata görə, İran rəhbərliyi Rusiyaya bir neçə yüzə qədər PUA göndərməyə hazırlaşır. Bunlar sırasında silah daşıya bilən aparatlar da var”, - deyə Sallivan söyləyib.

***

İran XİN-in rəsmi nümayəndəsi Naser Kanaani ABŞ tərəfinin bu iddialarına münasibət bildirib. Onun sözlərinə görə, ABŞ rəhbərliyinin sözügedən məsələ ilə bağlı açıqlaması həqiqətə uyğun deyil.