"Hakimiyyətin başında duran qrup ölkəni 30 il geriyə atdı..."

“2020-ci ilin noyabrından biz tez-tez eşidirik: deyirlər, əgər Ermənistanın təhlükəsizliyi, sərhədlərin keçilməzliyi və s. bu qədər narahatsınızsa, gedin bu sərhədləri qoruyun. Hakimiyyət bu təbliğat tezisini tex tez təkrarlayır və bir çoxları sadəcə olaraq bu yemi udaraq bu tezisi yenə təkrarlayırlar”. 

İnformasiya təhlükəsizliyi üzrə ekspert, Razminfo ixtisaslaşmış saytının koordinatoru Karen Vrtanesyan “Təhlükəsizlik: üç aylıq toplanışlar siyasi dəyənək kimi" mövzusunda müzakirə zamanı bildirib. 

Onun sözlərinə görə, belə çıxır ki, hakimiyyət deyir: ölkənin təhlükəsizliyi üçün narahat olmayın, narahat olsanız, sizi cəzalandıracağıq.

“Qarabağ üçün narahat olsanız, sizi cəzalandıracağıq. Birincisi, ölkənin müdafiəsini cəza tədbiri hesab etmək absurddur. Belə çıxır ki, ölkənin müdafiəsi ilə yalnız cəzasını çəkənlər məşğul olmalıdır.

Bundan əlavə, bu təkrarlanan tezis demaqogiyadır. Tutaq ki, bizdə hələ də milli dövlət var. Hələ 1992-ci ilə qədər biz fədai dəstələri səviyyəsindən çıxdıq, o zaman ki, hər bir kənd, rayon öz müdafiəsi ilə müstəqil məşğul olurdu. Belə çıxır ki, biz dövlətçiliyin yoxluğu dövrünə qayıtmışıq”.

Vrtanesyanın fikrincə, bu, hakimiyyətin başında duran qruplaşmanın ölkəni otuz il geriyə atdığını və dövlətin inkişafını puç etdiyini göstərir.

“Biz vergi ödəyirik ki, silahlı qüvvələr ölkəmizdə təhlükəsizlik sistemi kimi fəaliyyət göstərsin. Əgər sərhədi insanlar öz iradəsi, istəyi və əqidəsi əsasında qoruyursa, deməli, bizdə bu sistem yoxdur”, - Vrtanesyan bildirib.