"Başqa ölkələrdə çevrilişlərə kömək etmişəm" - Boltondan etiraf

ABŞ-ın Birləşmiş Millətlər Təşkilatındakı keçmiş səfiri və keçmiş prezident Donald Trampın milli təhlükəsizlik üzrə müşaviri Con Bolton xarici ölkələrdə dövlət çevrilişi cəhdlərinə kömək etdiyini bildirib.

Bolton bunu CNN televiziyasına müsahibəsində bildirib.

O, müsahibəsində Trampın tərəfdarları tərəfindən 2021-ci il yanvarın 6-da Kapitola hücumu ilə bağlı istintaqdan danışıb.

Konqresdə araşdırma aparan komissiya Trampı 2020-ci il seçkilərində uduzduqdan sonra hakimiyyətdə qalmaq üçün son addım olaraq çevrilişə cəhddə və zorakılığı qızışdırmaqda ittiham edir.

Bolton Trampın planlaşdırılan dövlət çevrilişi həyata keçirmək üçün kifayət qədər gücünün olmadığını bildirib.

"Başqa ölkələrdə çevrilişlərin planlaşdırılmasına kömək etmiş biri kimi deyirəm, bu, çox iş tələb edir. Tramp belə bir şey etməyib", - deyə o qeyd edib.