Rusiya hansı halda Odessaya hücum edəcək?
"Rusların imkanı olsa, Odessaya tərəf gedəcəklər. Hələ ki, onların belə imkanı yoxdur".
Bu barədə Amerika Müharibənin Tədqiqi İnstitutunun ("ISW") dərc etdiyi məqalədə bildirilir.
“Odessaya gəlincə, bəli, bu, onlar üçün müqəddəsdir, lakin onlar özləri üçün nəyin müqəddəs, nəyin olmadığını vaxtında müəyyən etməyi çox yaxşı bilirlər. Hərbi nöqteyi-nəzərdən mənə elə gəlir ki, rusların indi Odessanı ələ keçirmək imkanları yoxdur. Gördüyümüz raket zərbələri olacaq... Amma düşünürəm ki, indi, yəni onlar Donbası tam işğal edənədək Odessa haqqında danışmaq tezdir. Lakin onların niyyətləri dəyişməyib. Əgər onlar cənubda möhkəmlənəcəklərsə, sonradan Odessaya hücum olacaq. Və Odessa onların ilk məqsədlərindən biri olacaq - onlara bu, yalnız Ukraynanın cənubuna, Qara dənizə nəzarət üçün deyil, həm də Moldova və Dnestryanıya çıxış üçün vacibdir", - deyə analitik bildirib.
Amerikalı tədqiqatçının sözlərinə görə, İlan adasından rusları qovmaq vacib idi.
"Bu, Ukrayna üçün həm hərbi, həm də mənəvi baxımdan mühüm qələbədir. Ruslar bu adaya hədəfləniblər. Düşünürəm ki, siz Duqinin İlan adasına kim nəzarət edirsə, o, tarixin gedişatına da nəzarət edir" ifadəsini eşitdiniz. Özləri də bu adaya çox önəm veriblər və indi izah etməlidirlər ki, guya bu, “xoşməramlı jest” idi”, – deyə analitik əlavə edib.
Bir qədər əvvəl "ISW" bildirib ki, yeni ərazi nailiyyətləri olmadan Rusiya ordusu qüvvələrini bərpa etmək və artırmaq üçün Ukraynadakı müharibəni uzadır.
