Bu ölkə Rusiya ilə bütün diplomatik əlaqələrini dondurdu
Finlandiya Rusiya ilə bütün diplomatik əlaqələrini dondurub.
Bunu Rusiyanın Finlandiyadakı səfiri Pavel Kuznetsov “Rossiya-24” telekanalının efirində bildirib.
"Son aylarda finlandiyalı - yaxın vaxtlara qədər yaxşı- dostlarımız mümkün olan hər şeyi etdilər ki, son onilliklər ərzində bütün səviyyələrdə və bütün sahələrdə toplanmış böyük ikitərəfli əməkdaşlıq potensialı praktiki olaraq dayandırılsın. Demək olar ki, bütün hökumətlərarası və idarələrarası əlaqələrimiz dondurulub”.
Kuznetsov qeyd edib ki, hökumətlərarası təmaslardan əlavə iki ölkə arasındakı ticarət və iqtisadi əməkdaşlıq da iflasa uğrayıb:
"Finlandiya biznesi Rusiya bazarını tərk edir, Rusiya biznesi isə sistemli şəkildə Finlandiyadan sıxışdırılır. Elm, təhsil, mədəniyyət, idman sahəsində bütün layihələrə, əlaqələrə son qoyulub. Rayonlar, qardaş şəhərlər, ictimai təşkilatlar arasında əlaqələr kəsilib. Ona görə də pisləşəcək bir şey yoxdur, hər şey artıq pisləşib".
