ABŞ Ukraynaya qırıcı verə bilərmi?
23 iyul, 2022 01:38
Yaxın vaxtlarda Ukraynaya döyüş təyyarələrinin verilməsi nəzərdə tutulmayıb.
Bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
“ABŞ Müdafiə Nazirliyi ilkin olaraq ukraynalılara potensial döyüş təyyarələrinin verilməsinin mümkünlüyünü araşdırır. Lakin Pentaqon bunu dərhal və hətta qısa müddətdə həyata keçirə bilməyəcəklər”, - Kirbi vurğulayıb.
Onun sözlərinə görə, bu məsələlərə baxılması ilkin mərhələdədir.
Kirbi bildirib ki, Birləşmiş Ştatlar ölkənin silaha olan tələbatını qiymətləndirmək üçün Ukrayna ilə daimi təmasdadır. Onun sözlərinə görə, ABŞ Kiyevin artıq aldığı silah növlərinin tədarükü çərçivəsində Ukrayna hərbçilərinə təlim keçmək və onlara dəstək vermək niyyətindədir.
