"Taliban" İrandan neft alacaq
23 iyul, 2022 18:24
Taliban" hökumətinin Maliyyə Nazirliyi İrandan 350 min ton neft alınmasına dair razılaşmanın olduğunu açıqlayıb.
"Aamaj News" xəbər verir ki, Tehrandakı danışıqlarda dövlət neft-qaz şirkəti, Xarici İşlər Nazirliyi, Ticarət Nazirliyi, Mərkəzi Bank və s. qurumların birgə nümayəndə heyəti iştirak ediblər.
Bu səfər zamanı İranın səhmdar cəmiyyəti ilə 350 min ton neftin alınmasına dair müqavilə imzalanıb və yaxın günlərdə onun Əfqanıstana idxalı prosesinə başlanılacaq.
"Taliban" və İran hakimiyyəti hökumətlərarası müqavilələr üzrə birgə komitə yaratmaq, neft kəmərlərinin tikintisini davam etdirmək, birgə neftayırma zavodları tikmək və uzunmüddətli müqavilələri həyata keçirmək barədə razılığa gəliblər.
