Türkiyənin Mosuldakı Baş Konsulluğuna iki raket atılıb - YENİLƏNİB
27 iyul, 2022 14:10
Türkiyənin İraqın Mosul şəhərində yerləşən Baş Konsulluğuna hücumun təfərrüatları məlum olub.
"Milliyət" xəbər verir ki, diplomatik nümayəndəliyə 2 raket atılıb.
Hadisə nəticəsində ölən və yaralanan olmayıb. Amma ətrafdakı tikililələrə və avtomobillərə ziyan dəyib.
Şahidlərin sözlərinə görə, ərazidə yaşayan bəzi ailələr evlərini tərk ediblər.
***
Türkiyənin İraqın Mosul şəhərində yerləşən Baş Konsulluğuna hücum olub.
Bu barədə Türkiyənin Xarici İşlər Nazirliyi məlumat yayıb.
Nazirlik hücumu pisləyib: “BMT Təhlükəsizlik Şurasının iclası keçirildiyi zaman belə bir hücumun təşkil olunması diqqət çəkir”.
Türkiyə XİN həmçinin İraqdakı səlahiyyətli şəxslərə terrorla mübarizədə ayıq-sayıq olmaları barədə xəbərdarlıq edib.
