"Rusiya yeni əraziləri ilhaq etsə, tez və qəti cavab verəcəyik" - ABŞ səfirliyi
27 iyul, 2022 14:16
"Rusiya Ukraynada ilhaq planını reallaşdırmağa davam edərsə biz müttəfiqlərimiz və tərəfdarlaımızla birlikdə tez və qəti cavab verəcəyik”.
UNIAN xəbər verir ki, bu barədə ABŞ-ın Ukraynadakı səfirliyi açıqlama yayıb.
“Rusiyanın atacağı növbəti addım bizə məlumdur. Rusiya işğal etdiyi Ukrayna ərazilərinin ilhaqı üçün əsas hazırlayır. Bu, Ukraynanın ərazi bütövlüyü və suverenliyinin birbaşa pozulmasıdır. Rusiya ilhaq planını reallaşdırmağa davam edərsə biz müttəfiqlərimiz və tərəfdarlarımızla birlikdə tez və kəskin cavab verəcəyik”, - səfirlikdən bildirilib.
Qeyd edək ki, Rusiya Krım yarımadasını ilhaq edib.
Ukraynanın işğal edilən yeni ərazilərinin Rusiyaya birləşdirilməsi üçün referendumun keçiriləcəyinə dair xəbərlər yayılıb.
