"Rusiya ilə ATƏT-in Minsk qrupu formatında əməkdaşlığı davam etdirməyə hazırıq" - ABŞ səfiri
ABŞ Qarabağ probleminin hərtərəfli və sülh yolu ilə həlli üçün ATƏT-in Minsk Qrupunda Rusiya ilə əməkdaşlığı davam etdirməyə hazır olduğunu bir daha bəyan edir".
Azsiyaset.com xəbər verir ki, bunu ABŞ-ın Ermənistandakı səfiri Lin Treysi “Azadlıq Radiosu"na müsahibəsində deyib.
“Biz Minsk qrupundan platforma kimi istifadə etməyə hazır olduğumuzu bildirdik. Bu təklif açıq qalır. Rusiyalı həmkarların bu təklifə reaksiyasını eşitməmişik. Amma hesab edirəm ki, bu, ilk addımdır, ondan sonra başqa addımlar və ideyalar barədə danışmaq olar”, - deyə səfir vurğulayıb.
“Biz gözləyirik ki, Rusiya ilk addımı atacaq və bu, Rusiyanın bu formatda iştirakına qayıtması olacaq. Biz Minsk Qrupunu Dağlıq Qarabağdakı vəziyyəti müzakirə etmək üçün beynəlxalq mandata malik format, platforma kimi nəzərdən keçirməyə davam edirik”, - deyə Linn Treysi qeyd edib.
Səfir vurğulayıb ki, Rusiyanın Ukraynaya qarşı müharibə aparmasına baxmayaraq, dünyada böyük diqqəti cəlb edən ABŞ bu regiondakı vəziyyətə, Ermənistanla Azərbaycan arasındakı vəziyyətə çox diqqətlə yanaşır. Düşünürəm ki, bu, bu administrasiya hakimiyyətə gələndən bəri gördüyümüz telefon danışıqlarında, əlaqələrdə öz əksini tapıb. Bu, ABŞ dövlət katibinin münaqişələrin yenidən başlanmasının qarşısını almaq, müzakirələri diqqət mərkəzində saxlamaq, irəliləyiş əldə etmək və bunu diplomatiya yolu ilə etmək istəyinə sadiqliyini göstərir”.
ABŞ piplomatı qeyd edib ki, Ermənistan-Türkiyə münasibətlərinin normallaşması istiqamətində irəliləyiş Ermənistan-Azərbaycan münasibətlərinin yaxşılaşmasına kömək edə bilər: “Bu məsələlərin bir çoxu son nəticədə bir-biri ilə bağlıdır və biz bir istiqamətdə müsbət addımları görəndə görürük. Bu, regionda daha geniş sülhə nail olmaq üçün sürəti artıra bilər”.
