Bu dəfə Əfşar Süleymani İsrail səfirinə cavab verdi

İranın Azərbaycandakı keçmiş səfiri Əfşar Süleymani İsrailin Azərbaycandakı səfiri Corc Dikin “Təbrizin sehrli nağılları” kitabı ilə paylaşımına və bu paylaşımdakı diplomatik mesaja reaksiya verib.

Əfşar Süleymani açıqlamasında İsrail səfirinə xitab edərək “Corc bəy, özü işinizlə məşğul olun!” deyə reaksiya verib. 

Keçmiş səfir fikirlərini belə davam etdirib: “Sənin dərdin Təbriz dərdi deyil, 

İran-Azərbaycan əlaqələrini korlanaq istəyirsən. Amma alınmaz.

Corc Dik niyə öz işi ilə məşğul olmur və “Təbrizin sehrli nağılları” kitabını təqdim etməklə məşğuldur? Təbriz də İsrailin işğal etdiyi Fələstin şəhərlərindən birisidir?”.

Açıqlamasında sərt ritorikadan istifadə edən Süleymani deyib ki, sionistlər illərdir çalışır ki, işğal etdiyi Fələstin şəhərlərini İsrail şəhərləri adına tanıtdırsın, amma bacarmayıblar: “Corc bəy Təbriz kitabının təqdimatını İran səfirinə buraxsın. Və axtarsın ki, haradasa İsrail adına tarixdə miniatür əsərləri varsa, onu nəşr etsin, satmağa başlasın. Belə bir kitab nəşr etsə biz də alacağıq.

Onu da əlavə edim ki, İran səfirin mövqeyini bəyənmədim. Çünki hədələməyin ən azından diplomatik aləmində yeri yoxdur”(yenisabah.az).