XİN rəhbərlərinin Moskva görüşü davam edir: 10 saata yaxındır - YENİLƏNİR
Hazırda Moskvada Dağlıq Qarabağdakı vəziyyəti müzakirə etmək üçün Azərbaycan və Ermənistan Xarici İşlər nazirləri Ceyhun Bayramov ilə Zöhrab Mnatsakanyan arasında görüş keçirilir.
Azsiyasət.com “RİA Novosti”yə istinadən xəbər verir ki, iclas Rusiya tərəfinin təşəbbüsü ilə Rusiya XİN rəhbəri Sergey Lavrovun iştirakı ilə keçirilir.
***
"TASS" xəbər verir ki, qapalı keçirilən görüşdə protokol çəkilişi zamanı yalnız şəxsi fotoqraflar və operatorlar iştirak ediblər. Azərbaycan və Ermənistan xarici işlər nazirləri üz-üzə oturur, rus nazir isə mərkəzdə əyləşib. Görüşdən sonra nazirlərin mətbuat konfransı keçirəcəyi gözlənilir.
****
Moskvada Dağlıq Qarabağdakı vəziyyətlə bağlı Rusiya, Azərbaycan və Ermənistan Xarici İşlər nazirlərinin görüşü davam edir.
10 saata yaxındır davam edən qapalı danışıqlardan sonra mətbuat konfransının təşkil olunması gözlənilir.
Görüşün yalnız 30 saniyəlik protokol hissəsi mətbuata açıq olub.
