Qərb Rusiya-Ukrayna müharibəsində nədən qorxur?

Qərbdə bir çox siyasətçilər Ukraynanın bu müharibədə qələbəsindən və Rusiyanın dağıdıcı məğlubiyyətindən qorxurlar.

Səbəb də ondan ibarətdir ki, Qərb ölkələrinin siyasi isteblişmentinin xeyli hissəsinin tarixi çağırışlara və Putin rejiminin qaçılmaz məğlubiyyətindən sonra Rusiya ilə yeni münasibətlər qurulmasının zəruriliyinə hazır olmamasıdır.

Məhz buna görə də Qərb Ukraynanı müharibədə dönüş edə biləcək silahla təmin etməyə tələsmir.

Bu barədə Rusiyanın müxalif siyasətçisi Harri Kasparov "Hakimiyyət & Vlaşşenko" proqramının efirində bəyan edib.

Onun fikrinə görə, bir çox Qərb liderləri Rusiyanın Ukraynaya qarşı müharibədə dağıdıcı məğlubiyyətindən qorxurlar, çünki hadisələrin bu cür inkişafı, heş şübhəsiz, Rusiyanın daxılində böyük sarsıntılara gətirib çıxaracaq. Deməli, dünyanın siyasi mənzərəsi xeyli dəyişikliklərə məruz qalacaq.

"Qərbdə güclü "partiya" var ki, - bu, hər yerdə, müxtəlif ölkələrdə var, - o, Ukraynanın qələbəsindən və Rusiyanın dağıdıcı məğlubiyyətindən qorxur. Çünki Rusiya ordusunun Ukraynada məğlubiyyəti, Ukrayna ərazilərinin, o cümlədən Krımın azad edilməsi, demək olar ki, Rusiyada sarsıntılara səbəb olacaq və Putin rejiminin iflası ilə nəticələnəcək. Bu isə o deməkdir ki, yenidən sabitlik pozulacaq və hansısa yeni münasibətlər qurmaq lazım gələcək. 

Rusiyada hakimiyyətdə kim olacaq? Çinlə məsələ nə yerdə olacaq?" - Qərb siyasətçiləri özlərinə belə suallar verir, Kasparov belə düşünür.

O, güman edir ki, Qərb siyasətçilərinin heç də hamısı tarixin belə çağırışlarına hazır deyil. Və belə hazırlıqsızlıq Qərbin Ukraynaya necə dəstək verməsində özünü büruzə verir.

"Məhz buna görə də onlar bax, belə, necə deyərlər, "ölçülüb-biçilmiş siyasət" aparırlar: Ukraynaya o qədər silah verək ki, darmadağın olmasın, bir balaca ərzisini "geri alsın", amma bu zaman müharibənin gedişində dönüş etməyə imkan verən silah ötürülməsin", - Kasparov vurğulayıb

O, o cümlədən ABŞ prezidenti Co Bayden administrasiyasının Ukraynaya uzaqvuran raketləri verməmək qərarını da tənqid edib.

"Zənnimcə, Bayden administrasiyasının Ukraynaya uçuş məsafəsi 300 km-dək olan mərmiləri verməkdən imtina etmək qərarı, mən deyərdim ki, tamamilə əxlaqsız qərardır. Mahiyyət etibarilə bu, Putinə Ukrayna şəhərlərinin atəşə tutulmasını davam etdirmək, dinc sakinləri qətlə yetirmək üçün haqq qazandırmaq deməkdir, çünki bütün atəşlər məhz bu məsafədən- Sevastopoldan, gəmilərdən, sualtı gəmilərdən törədilir, oradan Rusiya qoşunları özlərini təhlükəsiz hiss edə bilir", - Kasparov deyib.

"Qərbin Ukraynanı silahlandırmaqda belə siyasətə haqq qazandırmaq cəhdləri, guya, Ukrayna ordusu daha ciddi silahla təmin ediləcəyi təqdirdə üçüncü dünya savaşının başlaya biləcəyi barədə fikirləri Kasparov "tamamilə sayaqlama" və yalan adlandırıb.

"Bu, onların dünya düzəninin necə olması barədə təsəvvürləridir. Amerikada bu məğlubların partiyası bu həftə Ukrayna tərəfdarlarının partiyasından, - bu partiyaya ABŞ dövlət katibi Entoni Blinken və müdafiə naziri Lloyd Ostin daxildir, - güclü olub. Mübarizə gedir. Hər zaman mübarizə gedir", - Kasparov deyib.