BMT-dən diqqətçəkən Türkiyə açıqlaması...
29 iyul, 2022 13:12
Birləşmiş Millətlər Təşkilatının (BMT) baş katibinin humanitar məsələlər və fövqəladə yardım koordinatoru Martin Qriffits Ukraynanın Qara dəniz limanlarından ilk yüklərin bu gündən daşına biləcəyini, lakin gəmilərin təhlükəsiz keçməsi ilə bağlı “həyati detallar”ın hələ də müzakirə edildiyini açıqlayıb.
Türkiyə, Rusiya və Ukrayna hərbi rəsmiləri keçən həftə imzalanmış taxıl sazişinin standart əməliyyat prosedurları üzərində İstanbuldakı Birgə Koordinasiya Mərkəzində BMT qrupu ilə işləyirlər.
O, anlaşmaya görə Türkiyəyə təşəkkür edib: “Peşəkar həyatımda heç vaxt bir sazişlə bağlı danışıqlar prosesində belə təcrübənin şahidi olmamışam".
