Saakaşvili siyasətdən niyə gedir?
31 iyul, 2022 02:33
"Mixail Saakaşvili siyasətdən gedir və özünün yaratdığı “Vahid Milli Hərəkat” partiyasını tərk edir".
“Sputnik Gürcüstan” xəbər verir ki, bu barədə onun vəkili Valeri Qelbaxiani bildirib:
“Siyasətdən getməsinin əsas səbəbi onun həyatını qorumaq və xilas etməkdir. İndi söhbət onun həyatından gedir, siyasətdən yox”.
Qeyd edək ki, Saakaşvili hazırda Tbilisidəki “Vivamed” özəl klinikasında müalicə olunur. Gürcüstanın sabiq prezidenti 2021-ci il oktyabrın 1-də ona qiyabi olaraq verilən iki hökm əsasında saxlanılıb. O, altı il həbs cəzası alıb. Daha 3 iş isə məhkəmə icraatındadır.
