Rusiya-İran yaxınlaşması: Ukrayna üçün gözlənilməz həmlə - "The Washington Post"
Genişmiqyaslı işğalın altıncı ayında Rusiya İranın “Xəyyam” kəşfiyyat peykinin köməyi ilə Ukraynada casusluq əməliyyatı aparmaq niyyətindədir.
Bu barədə “The Washington Post” yazıb.
Peyk avqustun 9-da Baykonur kosmodromundan “Soyuz” raketindən istifadə etməklə orbitə buraxılacaq.
İran isə Yaxın Şərqdə casusluq üçün bundan istifadə etməyi planlaşdırır. Rusiya Federasiyası Xəyyam üçün Canopus-V sisteminin qurulmasına razılıq verib. Bu, Tehrana İran və Fars körfəzindəki mühüm obyektləri demək olar ki, davamlı olaraq izləməyə imkan verəcək yüksək ayırdetmə qabiliyyətinə malik kamera ilə təchiz olunacaq.
Nəşrin məlumatına görə, Rusiya bir neçə ay və ya daha uzun müddətə Ukraynadakı hədəfləri izləmək üçün peykdən müstəqil şəkildə istifadə etmək niyyəti barədə İranı məlumatlandırıb.
Hüquq-mühafizə orqanlarının Qərb nümayəndələri qeyd ediblər ki, peykin kamerası 1,2 metr təsvir ölçüsünə malikdir və bu, İranın imkanlarını əhəmiyyətli dərəcədə genişləndirir.
