Putinlə Ərdoğan Rusiya qazı ilə bağlı razılığa gəldi

“Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan Türkiyəyə qaz tədarükünü müzakirə edib və qismən rublla ödəniş barədə razılığa gəliblər”.

“Kommersant” xəbər verir ki, bu barədə Rusiya Baş nazirinin müavini Aleksandr Novak bildirib.

“Bu, pul-maliyyə münasibətlərimizin inkişafı üçün həqiqətən də yeni imkanlar açan yeni mərhələdir”, - deyə o, vurğulayıb.

Qeyd edək ki, bu gün Soçidə Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin arasında görüş keçirilib. Rusiya və Türkiyə liderləri danışıqların yekunlarına dair birgə bəyanat qəbul ediblər.