“Ermənistana humanitar yardım adı altında raket sistemləri daşınır” - Hikmət Hacıyev
11 oktyabr, 2020 00:44
Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistana humanitar yardım adı altında raket sistemlərinin daşındığını açıqlayıb.
Azsiyasət.com xəbər verir ki, bu barədə H.Hacıyev “Twitter” hesabında yazıb.
“Humanitar yardım adı altında eyni zamanda sanksiya altında olan “Atlantis Armenian Airlines” aviaşirkəti mülki təyyarələrlə Ermənistana raket və raket sistemləri daşıyır. Bütün bunlar Çikaqo konvensiyasının və Beynəlxalq Mülki Aviasiya Təşkilatının qaydalarının kobud şəkildə pozulmasıdır”, - deyə H.Hacıyev bildirib.
