Qərb Asiyada "NATO-nun şərqə doğru genişlənməsi" konsepsiyasını tətbiq edir?

ABŞ-ın Tayvana qarşı hərəkətləri göstərir ki, Qərb Asiya-Sakit okean regionunda “NATO-nun şərqə doğru genişlənməsi” konsepsiyasını tətbiq etməyə başlayıb.

Bunu TASS -a müsahibəsində Çinin Rusiyadakı səfiri Çjan Xanhui deyib.

“Bu (ABŞ-ın Tayvan ətrafında hərəkətləri - red) NATO-nun şərqə doğru genişlənməsinin Asiya-Sakit Okean variantından başqa cür qiymətləndirilə bilməz” – o, deyib.

Onun sözlərinə görə, ABŞ Tayvan boğazında böhran yaratmaq üçün “Çinə qarşı eyni taktikadan” istifadə etməyə çalışır. Bu, “Çinin inkişafını və yüksəlişini əngəlləmək” üçün edilir.

Xatırladaq ki, ABŞ və Çin arasında münasibətlər Konqresin Nümayəndələr Palatasının sədri Nensi Pelosinin Tayvana səfəri ilə əlaqədar pisləşib. O, avqustun 2-də adaya gedib, orada Tayvanın baş qərargah rəisi Tsai İnq-ven ilə görüşüb və ertəsi gün Taybeyi tərk edib.