Rusiya ABŞ-ı diplomatik münasibətlərin kəsilməsilə təhdid edir - Bəs ABŞ?

"Terrorçuluğun sponsorlarının "qara siyahısı"na beynəlxalq terrorçuluq aktlarına dəfələrlə dəstək verən dövlətlər daxil edilə bilər"

Rusiya ABŞ Konqresinin onu "terrorçuluğa sponsorluq edən dövlət" kimi tanıyacağı halda ölkələr arasında "dönüşü olmayan nöqtə" vəziyyəti yaranacaq, bundan sonra diplomatik münasibətlər kəsilə bilər.

Bu barədə Rusiya XİN-in Şimali Amerika departamentinin direktoru Aleksandr Darçiyev SİTA agentliyinə müsahibəsində bəyan edib.

Nazirlik tərəfindən Moskva və Vaşinqton arasında diplomatik münasibətlərin səviyyəsinin aşağı salınmasının mümkünlüyü barədə sualı cavablandırarkən, diplomat öz ölkəsinin mövqeyini kifayət qədər aydın şəkildə ifadə edib.

"ABŞ başda olmaqla Qərbin beynəlxalq hüququ tapdaladığı şəraitdə nəyin mümkün olduğu və ya mümkün olmadığı barədə hipotetik mülahizələrə varmaq istəməzdim. Mən ABŞ Konqresi tərəfindən Rusiyanı "terrorçuluğa sponsorluq edən ölkə" kimi tanımaq barədə müzakirə edilən qanunverici təşəbbüsünü xatırlatmaq istəyirəm. Əgər bu təşəbbüs gerçəkləşərsə, bu, dönüşü olmayan nöqtənin Vaşinqton tərəfindən keçilməsi demək olacaq və ikitətəfli diplomatik münasibətlərə onların səviyyəsinin aşağı salınması və ya kəsilməsinədək ciddi zərər vuracaq. Amerika tərəfi bu barədə xəbərdarlıq edilib".

Məlum olduğu kimi, terrorçuluğun snonsorlarının "qara siyahısına", Vaşinqtonun fikrincə, "beynəlxalq terrorçuluq aktlarına dəfələrlə dəstək verən" dövlətlər daxil edilə bilər.

Amerika administrasiyası belə dövlətlərə qarşı sanksiyalar tətbiq edilməsində geniş səlahiyyətlərə malikdir.  ABŞ maliyyə nazirliyi bu siyahıda olan ölkələrlə ticarət edən hüquqi və fiziki şəxslərə, habelə dövlətlərə qarşı tədbirlər görə bilər.