İran nüvə sazişi üzrə danışıqlarda SEPAH-la bağlı tələbindən geri çəkilib "CNN"

İran Tehranın nüvə proqramı üzrə Birgə Hərtərəfli Fəaliyyət Planının bərpası üzrə danışıqlarla bağlı irəli sürdüyü tələblərdən birindən geri çəkilib.

Bu, İslam İnqilabı Keşikçiləri Korpusunun (SEPAH) ABŞ-ın “terror təşkilatları siyahısı”ndan çıxarılması tələbidir.

CNN bunu ABŞ administrasiyasının yüksək vəzifəli rəsmisinə istinadən yazıb. Ağ Ev sözçünün sözlərinə görə, İran Avropa İttifaqının təklif etdiyi nüvə sazişi layihəsinə cavabında SEPAH-ın məlum siyahıdan çıxarılmasını tələb etməyib.

Telekanalın məlumatına görə, bu tələb nüvə sazişinin bərpası səylərində əsas maneə idi.