Azərbaycan səfirliklərinin rəhbərliyində kadr dəyişiklikləri
Avqustun 19-da prezident İlham Əliyev Azərbaycanın bir sıra səfirliklərinin rəhbərliyinin dəyişdirilməsilə bağlı sərəncamlar imzalayıb.
Belə ki, Rəşad Aslanov Azərbaycanın Argentina, Paraqvay, Boliviya, Çili və Uruqvayda fövqəladə və səlahiyyətli səfiri vəzifəsindən geri çağırılıb. Bu vəzifəyə öz növbəsində Koreya və Monqolustanda diplomatik missiyanın rəhbəri vəzifəsindən geri çağırılan Rəmzi Teymurov təyin edilib.
Koreyada səfir postunu isə Ramin Həsənov tutub. O, Azərbaycanın Almaniya Federativ Respublikasında səfiri vəzifəsindən geri çağırılıb. Bundan əlavə, prezident İlham Əliyevin sərəncamları ilə Elxan Poluxov Azərbaycanın Braziliya, Ekvador, Qayana, Surinam, Trinidad və Tobaqoda fövqəladə və səlahiyyətli səfiri, habelə Azərbaycanın Karib hövzəsi ölkələri Birliyində səlahiyyətli nümayəndəsi vəzifələrindən geri çağırılıb.
Bu vəzifəyə Rəşad Novruz təyin olunub.
