Rus nefti olmadan nə edəcəyik? - Serbiya prezidenti
22 avqust, 2022 11:34
Noyabrın 1-dən Serbiya Adriatik dənizindən tankerlərlə, daha sonra isə Xorvatiya ərazisindən keçən kəmərlə çatdırılan Rusiya neftini daha almayacaq.
Bunu Serbiya Prezidenti Aleksandr Vuçiç deyib.
“Biz elektriklə, neftlə nə edəcəyik? Noyabrın 1-dən bizim üçün Rusiya nefti olmayacaq, biz sanksiyalar altında qalacağıq”, – Serbiya rəhbəri bildirib.
O əlavə edib ki, alternativ xammal olan İraq Kərkükünün nefti Rusiya neftindən bir barrel üçün 31 dollar bahadır. Nəticədə məhdudlaşdırıcı tədbirlər büdcənin illik 600 milyon dollar itkisinə səbəb olacaq.
