"Rusiyanın düşmənləri qızımı alçaqcasına öldürdülər, intiqam yox, qələbə lazımdır!" - Aleksandr Duqin
Avrasiya hərəkatının lideri, siyasətçi və filosof Aleksandr Duqin qızının öldürülməsi barədə ilk dəfə dostu Konstantin Malofeyevlə danışıb.
Azsiyaset.com xəbər verir ki, Duqin bununa bağlı yazdığı mətni yaymağı xahiş edib: “Terror aktı nəticəsində qızım Darya Duqina Moskva yaxınlığındakı “Ənənə” festivalından qayıdarkən gözümün qabağında partlayış nəticəsində vəhşicəsinə öldürülüb. O, gözəl pravoslav qızı, vətənpərvər, hərbi müxbir, mərkəzi kanalların eksperti, filosof idi. Onun çıxışları və reportajları həmişə dərin, əsaslı və təmkinli olub. O, heç vaxt zorakılığa və müharibəyə çağırmayıb.
O, səyahətinin əvvəlində yüksələn bir ulduz idi. Rusiyanın düşmənləri onu hiyləgərcəsinə və alçaqcasına öldürdülər …”
Duqin bəyanatında bildirib ki, Rusiya xalqını belə dözülməz zərbələrlə belə sındırmaq olmaz: “Ürəyimiz intiqam almaqdan daha çox şeyə can atır. İntiqam çox xırdadır, russayağı deyil. Bizə yalnız Qələbəmiz lazımdır. Qızım qızlıq həyatını bu qələbənin qurbangahında qoydu. Odur ki, qələbə qazanın, xahiş edirəm! Qoy indi o, Vətənimizin oğullarını şücaətə ruhlandırsın”.
Darya Duqina (Platonova) ilə vida – vətəndaş anım mərasimi – avqustun 23-də Ostankino Televiziya Mərkəzində səhər saat 10-da keçiriləcək.
