İlham Əliyev daha bir neçə yaşayış məntəqəsinin azad olunduğunun ANONSUNU VERDİ

Prezident İlham Əliyev Türkiyədə fəaliyyət göstərən “Haber Global” telekanalına verdiyi müsahibədə Azərbaycan ordusunun Qarabağda gedən döyüşlərdə daha bir neçə yaşayış məntəqəsini nəzarət altına aldığını, lakin həmin məntəqələrə girməyin hərbi baxımdan hələ məqsədəuyğun olmadığını bildirib.

Prezident bildirib ki, Azərbaycan ordusu praktiki olaraq hər gün ya hansısa yaşayış məntəqələrini, ya mühüm yüksəklikləri azad edir. İlham Əliyev tezliklə daha bir neçə yaşayış məntəqəsinin azad olunması barədə ictimaiyyətə elan ediləcəyini də açıqlayıb.

Azərbaycan prezidenti habelə Hadrut istiqamətindəki vəziyyətdən danışıb. Bildirib ki, Ermənistan ordusu bu gecə qəsəbəni geri qaytarmaq üçün xüsusi təyinatlılarının köməyi ilə hücuma keçib. Lakin Azərbaycan ordusu onları darmadağın edib.

Azsiyasət.com virtualaz.org-a istinadən xəbər verir ki, Azərbaycan Respublikasının Prezidenti İlham Əliyev oktyabrın 12-də Türkiyənin “Haber Global” televiziya kanalına müsahibə verib. Müsahibə yaxın saatlarda yayımlanacaq.