Almaniya Ukraynaya niyə tank göndərmir? - "Frankfurter Allgemeine Zeitung" nəşri

Almaniya kansleri Olaf Şolts ölkəsinin Ukraynaya kifayət qədər silahla kömək etdiyini söyləyib. Bununla bağlı o, “Almaniyanın Ukraynaya tank vermədiyi” xəbərinə reaksiya vermiş olub.

Xarici agentliklər xəbər verir ki, Şolts bu barədə “Frankfurter Allgemeine Zeitung” qəzetinə müsahibəsində danışıb.

Kanslerin sözlərinə görə, bu və ya digər texnikanın Ukraynaya ötürülməsi qərarı müttəfiqlərlə razılaşdırılaraq qəbul edilir.

“Almaniya aylardır Ukraynanı ağır silahlarla– məsələn, “Gepard” özüyeriyən zenit qurğuları, “Panzerhaubitze 2000” reaktiv yaylım atəşli yaylım sistemləri ilə təmin edir... Kansler olaraq mən bu cür transferləri qeyri-mümkün edən çoxdankı ənənəni pozmuşam”,-deyə o, qeyd edib.

Jurnalistin Almaniyanın Ukraynaya “niyə döyüş təyyarələri və ya tanklar kimi ağır və dəqiq silahların vermədiyi” barədə sualına, kansler ABŞ prezidenti Co Baydenin “The New York Times” qəzetindəki məqaləsini və “G7”dəki digər tərəfdaşların eyni mövqeyini” xatırlatmaqla cavab verib.

"Mən əvvəldən bunu ifadə etmişəm: biz özbaşına hərəkət etməyəcəyik və hərəkətlərimizi müttəfiqlərlə yaxından əlaqələndirəcəyik. Vəziyyət dəyişir. Mən Ukraynaya reaktiv raket sistemlərinin tədarükünü də Baydenlə razılaşdırdım", - deyə o, bildirib.

"Biz zəruri və düzgün olanı edirik. Amma müəyyən "əmək bölgüsü"nün də olması vacibdir. Almaniyanın üzərinə düşən hava hücumundan müdafiə və artilleriya sistemlərinin verilməsidir", - alman siyasətçi əlavə edib.