Ərdoğan Avropanı Azərbaycanın ərazi bütövlüyünü dəstəkləməyə çağırdı - "Ortaya mövqe qoyun!"

Türkiyə Prezidenti Rəcəb Tayyib Ərdoğanla Avropa İttifaqı Şurasının Prezidenti Şarl Mişel arasında telefon danışığı olub.

Azsiyasət.com xəbər verir ki, bu barədə “Haber Global” məlumat yayıb.

Türkiyə Prezidenti telefon söhbəti zamanı Avropa İttifaqını Azərbaycanın ərazi bütövlüyü barədə tutarlı mövqe ortaya qoymağa çağırıb.

Rəcəb Tayyib Ərdoğan işğalçı Ermənistanın neft-qaz boru kəmərləri ilə nəqliyyat xətləri üzərində yerləşən Tovuz bölgəsindən sonra Gəncə şəhərinə hücum etməklə Avropanın enerji təhlükəsizliyini təhlükəyə atdığını bildirib.