BMT-nin qərargah-mənzili qarşısında azərbaycanlıların aksiyası
24 sentyabr, 2022 10:29
Azərbaycan diasporunun nümayəndələri dünən Nyu Yorkda BMT-nin qərargah-mənzili qarşısında Ermənistan silahlı qüvvələrinin 12-13 sentyabr tarixlərində Azərbaycanla sərhəddə törətdikləri təxribata etiraz əlaməti olaraq aksiya keçiriblər.
Aksiya iştirakçıları əllərində Azərbaycan və Türkiyə bayraqları və erməni təcavüzü faktlarını əks etdirən plakatlarla Təhlükəsizlik Şurasının qətnamələrinə uyğun olaraq BMT-dən işğalçı qoşunların Azərbaycan ərazisindən tamamilə çıxarılması üçün sərt tədbirlər görməyi tələb ediblər.
Aksiya iki saat davam edib, Nyu York polisi azərbaycanlıların təhlükəsizliyini təmin edib.
