Rusiya Ukraynanın 4 bölgəsini ilhaq etdi - Putin sənədləri imzaladı

Bu gün Kremldə Ukraynanın dörd bölgəsinin Rusiyaya birləşdirilməsi ilə bağlı sənədlərin imzalanması mərasimi keçirilib.

Əvvəlcə Rusiya Prezidenti Vladimir Putin bununla bağlı çıxış edib.Daha sonra Ukraynanın Luqansk, Donetsk, Zaporojye və Xerson vilayətlərinin nümayəndələri müvafiq sənədlərin altına öz imzalarını çəkiblər.

Rusiya Prezidenti Vladimir Putin sənədləri imzaladıqdan sonra Ukraynanı dərhal hərbi əməliyyatları dayandırmağa və danışıqlar masasına qayıtmağa çağırıb.

Putin Donbass, Xerson və Zaporojye vilayətlərinin sakinlərinin əbədi olaraq rusiyalıya çevrildiyini bəyan edib.

Xatırladaq ki, Rusiya sentyabrın 23-27-də Ukraynanın Donetsk, Luqansk, Zaporojye və Xerson vilayətlərində “referendum”lar təşkil edib. Qeyd olunub ki, bütün səslər hesablanıb və seçicilərin əksəriyyəti “Rusiya Federasiyasına qoşulmağa səs verib”.