Fransa Şərqi Avropa ölkələrinə qoşun yeridir?
12 oktyabr, 2022 09:52
Paris NATO-nun şərq cinahında hərbi mövcudluğunu artırmağı planlaşdırır.
Bu barədə oktyabrın 11-də Fransanın müdafiə naziri Sebastyan Lekornu məlumat verib.
"NATO-nun şərq cinahındakı vəziyyəti nəzərə alaraq, Respublika Prezidenti Rumıniyaya zirehli transportyor briqadası və tanklar göndərməklə Avropanın şərqində müdafiə mövqeyimizi gücləndirmək qərarına gəldi", - o, Fransa Senatının xarici işlər, müdafiə və silahlı qüvvələr komissiyasının iclasında deyib.
Nazirin sözlərinə görə, Fransa hakimiyyəti Litvaya "Rafale" qırıcılarının əlavə partiyasını, Estoniyaya isə hərbçiləri göndərəcək. Oktyabrın sonu-noyabrın əvvəlində planın icra olunacağı güman edilir.