Ermənistan XİN təkzib etdi - Görüş gözlənilmir
26 oktyabr, 2022 00:48
Ermənistan və Türkiyə xüsusi nümayəndələrinin görüşü gözlənilmir.
Bu barədə Ermənistan Xarici İşlər Nazirliyi məlumat yayıb.
"Yaxın vaxtlarda Ermənistanla Türkiyə arasında münasibətlərin normallaşması prosesi üzrə xüsusi nümayəndələrin görüşü planlaşdırılmır", - açıqlamada deyilir.
Qeyd edək ki, Türkiyənin "Sabah" qəzeti diplomatik mənbələrə istinadən xüsusi nümayəndələrin görüşü barədə məlumat yayıb. Növbəti görüşün Türkiyədə keçiriləcəyi iddia edilib.
Xatırladaq ki, 2021-ci ilin dekabrında İrəvan və Ankara dialoqa başlamaq üçün öz diplomatlarını təyin ediblər. Bunlar Ermənistan tərəfdən parlamentin vitse-spikeri Ruben Rubinyan, Türkiyə tərəfdən isə ABŞ-dakı keçmiş səfir Serdar Kılıçdır. Onlar artıq bir neçə dəfə görüş keçiriblər.
