Ermənistan Gəncəyə yenidən raket atıldı - YENİLƏNİR

İlkin və rəsmi təsdiqlənməmiş məlumata görə, Ermənistan Gəncə və Mingəçevir istiqamətinə raketlər atıb.

Azsiyasət.com xəbər verir ki, dağıntılar altından hələki 10 yaşlı bir uşaq çıxarılıb. O, yaralı vəziyyətdədir. Dağıntılar altından bir neçə yaralı insan çıxarılıb, onlar təcili tibbi maşınları ilə xəstəxanaya çatdırılır. Əraridə xəstəxana, sağlamlıq mərkəzi tamamilə dağılıb. Atılan 3 raketdən biri Gəncənin "Tekstilni" deyilən səmtinə düşüb. Goranboy - Mingəçevir istiqamətindən də partlayış səsləri gəlib.

Gəncədəki jurnalistlər raketin düşdüyü ehtimal olunan səmtlərə gediblər.

====

"Ermənistan silahlı qüvvələri humanitar atəş arxasında gizlənərək, terror və hərbi cinayət əməllərini davam etdirir.  Azərbaycanın Gəncə və Mingəçevir şəhərləri raket hücumuna məruz qalıb. Xəsarət alanlar və dağıntılar müəyyənləşdirilməlidir”. 

Bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter” hesabında yazıb.

Bu dəqiqələrdə Fövqəladə Hallar Nazirliyinin xilasediciləri və Müdafiə Nazirliyinin hərbi heyəti dağıntılar altından yaralıları və həlak olanları çıxarırlar. Yaralılar arasında uşaqlar da var.

Məlum olub ki, Ermənistan Silahlı Qüvvələri Gəncənin mülki əhalisinə SKUD (R-17) ballistik raketləri atıb.