"Ərdoğanla asan deyil, ancaq söz verdisə..." - Putin
Rusiya üçün Qara dənizə nəzarət etmək daha asandır.
Bu sözləri Rusiya Prezidenti Vladimir Putin Türkiyədə qaz qovşağının yaradılmasının səbəblərini şərh edərkən deyib.
“Qara dənizə nəzarət etmək bizim üçün daha asandır. Türkiyənin mümkün tədarük qovşağı kimi seçilməsinə gəlincə, bunu niyə təklif etdiyimiz, məncə, Avropaya aydındır. Çünki avropalı tərəfdaşlarla birbaşa işləmək çox çətindir”, - Putin jurnalistlərin suallarını cavablandırarkən bildirib.
O qeyd edib ki, Rusiya üçün Türkiyə ilə işləmək daha rahatdır, çünki Prezident Rəcəb Tayyib Ərdoğan sözünün üstündə dayanan adamdır:
“Ərdoğanla razılaşmaq asan deyil, ancaq əgər razılaşırıqsa, onu həyata keçirmək üçün çalışırıq”.
Onun sözlərinə görə, Türkiyə qaz qovşağı kifayət qədər tez həyata keçirilə bilən real layihədir.
