"Ukrayna böhranı yalnız məşqdir, bizi daha çətin sınaq gözləyir..." - Admiral
Sualtı qayıqlar Liqasında çıxış edərkən ABŞ Silahlı Qüvvələri Strateji Komandanlığının rəhbəri admiral Çarlz Riçard əmin olduğunu bildirib ki, böyük hərbi münaqişə yaxınlaşmaqdadır.
Bu barədə Amerikanın "Wall Street Journal" qəzeti məlumat yayıb.
"Bizim indi içində olduğmuz Ukrayna böhranı yalnız məşqdir. Bizi uzun illər müşahidə edilməyən sınaq gözləyir", - admiral "müharibə" sözündən yan keçərək məlumat verib.
Riçard əmin olduğunu bildirib ki, ABŞ-a meydan oxuyan ölkə Çin olacaq. Onun sözlərinə görə, ÇXR-in hərbi çəkindirmə səviyyəsi tədricən, lakin dönmədən azalır.
"Bu gəmimiz astaca batmaqdadır. Çin öz potensialını bizdən tez artırır. Bizim komandirlərimiz və atlarımızın yaxşı olmasının əhəmiyyəti yoxdur, onlar, sadəcə, bizdə kifayət qədər deyil. Bu, yaxın gələcəyin problemidir", -admiral bəyan edib və qeyd edib ki, Birləşmiş Ştatlar hələlik sualtı donanma sahəsində üstünlüyünü qoruyub saxlayır.
"Ola bilər, bu, bizim malik olduğumuz yeganə assimmetrik üstünlüyümüzdür", - Riçard əlavə edib.
Lakin onun fikrincə, əgər Amerika yeni sualtı qayıqların inşası tempini sürətləndirməsə, bu üstünlük yoxa çıxa bilər.
Admiral qeyd edib ki, ildə üç ədəd "Virciniya" tezyeriyən sualtı qayığın inşası yaxşı başlanğıc olardı.
"Əvvəllər biz tez hərəkət etməyi bacarırdıq, lakin bu qabiliyyətimizi itirmişik", - Riçard deyib.
