"İsveç NATO-ya üzvlük üçün Ankaranın tələblərini yerinə yetirməyə hazırdır" - "Bloomberg"

Türkiyə İsveçin NATO-ya üzvlüklə bağlı Ankaranın tələblərini yerinə yetirməyə hazır olduğuna getdikcə daha çox əmin olur.

Bu barədə “Bloomberg” Türkiyədəki rəsmilərə istinadən yazır.

İsveç Baş naziri Ulf Kristersson noyabrın 8-də Ankaraya gələcək və Türkiyə prezidenti Rəcəb Tayyib Ərdoğanla ölkənin NATO-ya qoşulmaq üçün müraciətinin ratifikasiyası ilə bağlı danışıqlar aparacaq.

İsveç Baş naziri daha əvvəl demişdi ki, Stokholm Türkiyədə terror təşkilatı kimi tanınan PKK ilə əlaqəsi olan kürd təşkilatları (PYD, YPG) ilə əməkdaşlıq etməyəcək. İsveç həmçinin hərbi texnikanın Türkiyəyə ixracına qoyulan məhdudiyyəti aradan qaldıracaq.

“Bloomberg”in mənbələrinə görə, bütün bu tədbirlər İsveç NATO-ya daxil olduqdan sonra da qüvvədə qalmalıdır.