Naxçıvan Sazişində dəyişiklik ediləcək
Türk Dövlətləri Təşkilatının (TDT) Naxçıvan Sazişində dəyişiklik ediləcək.
Bunu Türkiyənin xarici işlər naziri Mövlud Çavuşoğlu deyib.
"Təşkilatın Naxçıvan Sazişində dəyişiklik protokolunun rəhbərlərimiz tərəfindən qəbul edilməsi ilə hüquqi bazanı tamamlamış olacağıq. Hansı dövlətlərin Türk Dövlətləri Təşkilatında müşahidəçi ola biləcəyinə dair maddə üzərində də iş aparılıb", - deyə nazir bildirib.
"Azərbaycan, Qazaxıstan və Özbəkistanla üçtərəfli görüşlərə xüsusi əhəmiyyət veririk və bunları davam etdirəcəyik", - Çavuşoğlu vurğulayıb.
Qeyd edək ki, sabah Özbəkistanın Səmərqənd şəhərində Türk Dövlətləri Təşkilatına (TDT) üzv ölkələrin liderlərinin zirvə görüşü keçiriləcək.
Bu gün TDT Xarici İşlər Nazirləri Şurasının sammiti nəzərdə tutulub. Xarici işlər nazirləri dövlət başçılarının imzalayacağı sənədlər üzərində yekun işi aparmaq üçün Səmərqənddə bir araya gələcəklər.
