Putin G20 sammitinə qatılmayacaq - Rusiyanı kim təmsil edəcək?

Rusiya Prezidenti Vladimir Putin noyabrın 15-16-da Bali adasında keçiriləcək G20 sammitinə getməməyə qərar verib.

Bu barədə Rusiya prezidentinin mətbuat katibi Dmitri Peskov bildirib. O, Putinin İndoneziyaya getməyəcəyini, G20 sammitində Moskvanı Xarici İşlər naziri Sergey Lavrovun təmsil edəcəyini deyib

"G20 sammitində Rusiyanı Sergey Lavrovun təmsil etməsi qərara alınıb", - Peskov vurğulayıb.

İndoneziyanın Baş naziri Luhut Bunsar Pancaitan Rusiya Prezidenti Vladimir Putinin noyabrın 15-16 -da Bali adasında keçiriləcək G20 sammitinə getməmək qərarına hörmətlə yanaşdığını bildirib.

"Rusiyanın qərarı nə olursa-olsu , bu, bizim hamımız üçün ən yaxşısıdır" deyən siyasətçi Putinin G20 sammitində şəxsən iştirakdan imtina etməsi ilə bağlı məsələnin Rusiya lideri ilə İndoneziya prezidenti Coko Vidodo arasında telefon danışığı zamanı müzakirə olunduğunu bildirib. Baş nazir Rusiya dövlət başçısının belə qərar verməsinin səbəblərinin hələlik bilinmədiyini qeyd edib.