"İsraillə əlaqələrdə diqqətli olun" - İrandan Bakıya
28 noyabr, 2022 16:46
"Qonşular sionist rejimlə (İsrail - red.) əlaqələrini inkişaf etdirərkən diqqətli olmalıdırlar".
"Təsnim" xəbər verir ki, bunu İran Xarici İşlər Nazirliyinin sözçüsü Naser Kənani bildirib.
"Azərbaycan Respublikası haqqında ümumən istədiyimiz odur ki, iki ölkə arasında dostluq münasibətləri çərçivəsinə bir-birimizə hörmətlə yanaşaq və dostluq əlaqələri çərçivəsində münasibətləri inkişaf etdirək", - deyə Kənani vurğulayıb.
XİN sözçüsü əlavə edib: "Biz regionda sabitlik əleyhinə rol oynayan sionist rejimi qeyri-qanuni hesab edirik. Ölkələrin milli məsələlərinə, milli qərarlarına qarışmırıq, amma qonşularımıza tövsiyəmiz budur ki, bu rejimlə münasibətlərində diqqətli olsunlar".
