Paşinyan ABŞ təmsilçisi ilə görüşüb

Nikol Paşinyan ABŞ Dövlət Departamentinin Qafqaz danışıqları üzrə baş müşaviri Filip Rikeri qəbul edib.

“Armenpress” xəbər verir ki, bu barədə Ermənistanın baş nazirinin administrasiyası bildirib.

Məlumata görə, tərəflər Azərbaycan-Ermənistan münasibətlərinin normallaşdırılmasını müzakirə edib. Görüşdə ABŞ-la Ermənistan arasında strateji dialoqa da toxunulub.

Qeyd edək ki, baş müşavirin Ermənistana səfəri dekabrın 4-dək davam edəcək.

Xatırladaq ki, o, İrəvandan əvvəl Bakıda və Tblisidə səfərdə olub.