"Bayramovla Mirzoyan yaxın həftələrdə görüşəcək" - ABŞ Dövlət Departamenti
03 dekabr, 2022 13:17
Azərbaycan və Ermənistan XİN başçıları yaxın həftələrdə yeni görüş barədə razılığa gəliblər.
“Sputnik Ermənistan” xəbər verir ki, bu barədə ABŞ Dövlət Departamentinin nümayəndəsi Ned Prays brifinq zamanı bildirib.
“Xarici işlər nazirləri danışıqları sürətləndirmək, yaxın həftələrdə daha bir görüş təşkil etmək barədə razılığa gəliblər. Hər ikisi iclasın keçirilməsinə görə Amerika tərəfinə təşəkkürünü bildirib”, - Prays deyib.
Xatırladaq ki, Azərbaycan və Ermənistan XİN başçıları Ceyhun Bayramov və Ararat Mirzoyanın sonuncu görüşü noyabrın 7-si Vaşinqtonda baş tutub.
