Putinlə İlham Əliyev arasında telefon danışığı - Kritik Qarabağ müzakirəsi
Rusiya Prezidenti Vladimir Putinlə azərbaycanlı həmkarı İlham Əliyev arasında telefon danışığı olub.
TASS xəbər verir ki, bu barədə Kremlin mətbuat xidməti məlumat yayıb.
Bildirlir ki, liderlər Bakı, İrəvan və Moskva arasında üçtərəfli sazişlərin icrasını müzakirə ediblər.
Azərbaycan və Rusiya prezidentləri sonuncu dəfə noyabrın 22 və 26-da telefonla danışıblar. Bu danışıqıarda onlar üçtərəfli sazişlərin icrası, Ermənistan-Azərbaycan sərhədində təhlükəsizliyin təmin edilməsi və Cənubi Qafqazda nəqliyyat əlaqələrinin bərpası məsələlərini müzakirə ediblər.
“Rusiya, Azərbaycan və Ermənistan liderləri arasında 2020-ci il 9 noyabr, 2021-ci il 11 yanvar və 26 noyabr və bu il oktyabrın 31-də imzalanmış sazişlərin həyata keçirilməsinin bəzi praktiki aspektləri, o cümlədən Cənubi Qafqazda iqtisadi və logistika əlaqələrinin bərpası planları müzakirə olunub”, - məlumatda deyilir.
Kremldən bildirilib ki, gələcək təmaslar barədə də razılıq əldə olunub.
